यो बर्षको लाखे गाइघाटमा जनै पुर्मिमाको दिन बाट सुरू हुदै

सरोज निरौला

उदयपुर (गाईघाट) ,३० साउन।नेवार समुदायले भब्य रुपमा मनाउने लाखे जात्रा पर्व यहि भाद्र ३ गते अर्थात जनै पुर्मिमाको  दिन सुरू हुदैछ ।

उदयपुर सदरमुकाम गाईघाट स्थित झिगु नेवा पुच को कार्यालयबाट  मनाउने लाखे जात्राको लागि लाखे नाच, नित्य, धिमे लगायत सिकाउने काम भैरहेको झिगु नेवा पुच गाईघाटका अध्यक्ष ज्ञानेन्द्र कुमार श्रेष्ठले जानकारी दिनु भएको छ ।

अध्यक्ष श्रेष्ठका अनुसार यस बर्षको गाईजात्रा अन्य बर्षहरु भन्दा पृथक हुने बताउनु भयो । अध्यक्ष श्रेष्ठले त्रियुगा नगरपालिकाका बिभिन्न वडाहरुमा लाखे नृत्यको तयारी भैरहेको भन्दै यो बर्षबाट ५ बटा लाखे निकाल्ने तयारी गरी रहेको समेत बताउनु भएको छ ।

नेवारी समुदायको बाहुल्यता भएको स्थानहरूमा भब्य रूपमा मनाईने यश जात्रा उदयपुरमा समेत भब्य रूपम मनाईन्दै आएको छ ।

प्रकाशित मिति: २०२४-०८-१४ , समय : ०९:२१:४९ , ४ महिना अगाडि