ब्राउन सुगरसहित एक जना पक्राउ

सरोज निरौला

उदयपुर । उदयपुरमा ब्राउन सुगरसहित एक जना पक्राउ परेका छन् । जिल्लाको बेलका नगरपालिका वडढा नम्बर १ आम्वासीस्थित रामपुर- पत्तेपुर सडक खण्डमा चेकजाँचको क्रममा भुषण राई समातिएका हुन् ।

 

इलाका प्रहरी कार्यालय रामपुर ठोक्सीलाका अनुसार साँझ ७ः०० बजे शंकास्पद देखिएपछि चेकजाँच गरिएको थियो ।

 

सो क्रममा उदयपुरको चौदण्डीगढी नगरपालिका वडा नम्बर ४ बस्नेत ३१ वर्षीय भुषण पक्राउ परेका हुन् ।

 

स्रोतले दिएको गोप्य सूचनाका आधारमा सो क्षेत्रमा प्रहरी पुगेको थियो ।

 

राईले कालो रंगको प्लाष्टिकभित्र पोकोपारी लुकाएर ल्याउदै गरेको १३ ग्राम ब्राउन सुगर नियन्त्रणमा लिइएको जिल्ला प्रहरी कार्यालय उदयपुरका प्रवक्ता डीएसपी बेदप्रसाद गौतमले जानकारी दिए ।

 

उनलाई जिल्ला अदालत उदयपुरबाट १० दिनको म्याद थप गरी अनुसन्धान थालिएको डीएसपी गौतमको भनाई छ ।

प्रकाशित मिति: २०२२-०३-१५ , समय : ०६:५२:३८ , ३ वर्ष अगाडि