ढुंगाले लागेर महिलाको मृत्यु

मसलापाटी

२०७७ चैत २८,

विराटनगर ।मोरङको केराबारी गाउँपालिका–८ स्थित खदम खोलाको बगरमा ढुंगाले  किचेर शुक्रबार दिउँसो एक महिलाको मृत्यु भएको छ । केराबारी–८ की ५० वर्षीया कुमारी लिम्बूले ढुंगाले किचेर घटनास्थलमै मृत्यु भएको मोरङ प्रहरीका प्रवक्ता डीएसपी मानबहादुर राईले जानकारी दिए।उनका अनुसार मृतक महिला खोलाको बगरमा रहेका ढुंगा टिप्ने र बिक्री गर्ने काम गर्थिन् । बिक्रीका लागि साना ढुंगा भेला पार्दै गर्दा त्यहीँ ढिस्कोमा अडिएर रहेको ठूलो ढुंगा एक्कासि पल्टिएर लिम्बूलाई किचेको राईले बताए ।

प्रकाशित मिति: २०२१-०४-१० , समय : १६:१२:३१ , ४ वर्ष अगाडि