२ लाख ६९ हजार र सुन सहित भेटिएको झोला प्रहरीले दनुवारलाइ बुझायो

मसलापटी

कटारी,२४ असोज,२०७७

मसलापाटी। कटारी नगरपालिका वडा नं. ७ की वर्ष ३१ की सविना दनुवारको ३ आना सुन र २ लाख ६९ हजार रुपैया प्रहरीले तत्काल फेलापारी दनुवारलाई जिम्मा लगाईएको हो ।झोलामा भएको सुन र नगद हराएको सूचना प्रहरीलाई गरेलगत्तै प्रहरीको विशेष टोली परिचालन गरी खोजतलास गर्नेक्रममा वडा नं. ५ की ३० वर्षीया पार्वती खत्रीबाट उक्त झोला फेला पारिएको प्रहरीले जानकारी दिए । दनुवार र खत्री एउटै पसलमा सामान खरिद गर्ने क्रममा भूलबस झोला साटिएको बताईएको छ ।

प्रहरी कार्यालयबाट खटिएको टोलीले नगद र सुनसहित झोला फेला पारेर सम्बन्धित व्यक्तिलाई हिजो जिम्मा लगाएको पनि प्रहरी निरिक्षक बोगटीले बताउनुभयो ।हराएपछी निरास दनुवारले झोला फेलापारेपछी हर्षित हुँदै प्रहरीको सेवालाई धन्यवाद दिनुभएको थियो

प्रकाशित मिति: २०२०-१०-१० , समय : ०७:५२:०३ , ४ वर्ष अगाडि