उदयपुरमा आमा र छोरा मृत भेटिए

पुर्बेली आवाज

भदौ २०,उदयपुर । उदयपुर जिल्लाको कटारी नगरपालिका वडा नम्बर १० सोरुङ्गछविसेमा एकै परिवारका आमा र छोरा शङ्कास्पद अवस्थामा मृत फेला परेका छन् ।
जिल्ला प्रहरी कार्यालयका सूचना अधिकारी डिएसपी राजन चापागाईँले जानकारी दिए अनुसार बिहीबार बिहान कटारी नगरपालिका वडा १० सोरुङ्गछविसेमा अन्दाजी ४० वर्षीय निर्मला थापा र छोरा ६ वर्षीय आरुस थापा घरभित्रै मृत अवस्थामा भेटिएका हुन।

एकै परिवारका आमा र छोरा शङ्कास्पद अवस्थामा मृत फेला परेपछि स्थानीय गाउँलेले प्रहरीलाई खबर गरेका थिए ।
घटनास्थल विकट क्षेत्रमा रहेकाले प्रहरीको टोली घटनास्थल पुगिनसकेकाले घटनाको थप विवरण आउन बाँकी रहेको डिएसपी चापागाईँले बताउनुभयो ।

प्रकाशित मिति: २०२४-०९-०५ , समय : १३:४३:४५ , ४ महिना अगाडि